dou的博客

话说7月某日发现自己肚里面多咗D嘢之后，我有大概两个星期时间既迷茫又觉得有D未能接受，有时坐下坐下就会突然发傻，问自己：啊？我真係有咗？会唔会喺诈糊咋？我都没提前吃叶酸喔，会唔会有乜问题啊？可能唔係有咗吧？……跟住我又会突然清醒过来：车，医生都证实咗了！

反而喺亨利比较快进入状态，虽然距成日都提醒我唔可以走咁快，唔可以跑，唔可以追公车，但係一时半刻我仲未能够适应，见到公车就追，门铃一响立即弹起冲去开门（有一次周末训紧懒觉，门铃响，我瞬间从床上弹起，鞋都没着就冲出去，亨利喺度大叫——唔好跑啊！事后唸下觉得好搞笑，哈哈）。

满咗七周之后，我就开始呕了，有时早上起床一滴水都未饮就开始呕，胃里面乜都没，呕出来嘅喺又黄又苦嘅黄胆水；有时喺吃饱之后呕——严重浪费食物！！！仲试过几次呕到喉咙伤咗出血，饮水都痛……咁样嘅日子断断续续持续到10月2号，即16周+3，简直就係惨无人道啊，呕到我手臂同大比都瘦咗！

最耐都没上过新菜了，今日推介两味我感觉都OK嘅新菜。

噔噔噔噔，第一味就係蜜汁香烤乳鸽（哇哈哈哈，听个名都好似好犀利了！——我好似越来越厚面皮了）：

做法好简单，乳鸽买翻来洗净砍件，用老抽、汤、盐等配料腌制（有时间最好腌耐D，我只腌咗半个钟，厚肉嘅地方唔係咁入味），薯仔切片，约0.5cm厚，罗少量牛油放入微波炉叮热之后捞落薯片度，等每块薯片都沾上D牛油，之后将薯片铺喺烤盘上，再将乳鸽放係薯片之上，入烤箱。。。N分钟后喺帮乳鸽涂D蜜糖，再烤几分钟，搞掂出炉！我就中意吃，亨利对乳鸽唔多咁兴趣，嫌唔够入味，哼，等我吃晒距！

我中意茉莉，尤其喺炎热嘅夏天，感觉距嘅清香会令人感觉清凉。前排喺市场花档买咗两盆茉莉（今次一定唔可以再养死了），一盆喺普通个种，另一盆喺日本嘅重瓣茉莉，我觉得距嘅花型好靓啊，有D似mini版嘅牡丹，比起普通嘅茉莉大朵成倍，而且开花时间比较长，正啊！入黑之后茉莉就会盛放，我中意将花花剪落来，放系台面或者包住放係床头，嗯，阵阵清香令人心情都特别平静。

（含苞待放中）

今年由于没钱外游度假，亨利同学就比咗200蚊团费过我，参加我组织嘅广州游。无无聊聊上网逛嘅时候偶然睇到介绍黄埔古港美食嘅文章，吃喔，马上心旭旭了……其中最热嘅两间铺头，莫过于猫记艇仔粥同古港奶婆店……稳阵起见我仲上咗大众点评，大致浏览咗呢两间店嘅评价，发现好似真係唔错喔，于是，六月份嘅某一日，我哋顶住烈日出发了……

从屋企过黄埔古港交通都算方便，过远安路坐229到总站就係了。部车到总站依然好多人，落车跟住人流行就係了。尼个时候我哋发现，人流中似乎只有我哋两条友喺后生人，其余都喺50岁以上嘅叔叔阿姨，部分仲拉住买菜车，部分则喺一家大细齐齐出动。

五一假期同爸爸妈妈去咗华南植物园——上一次去应该喺我读小学之前，已经没乜印象了，呵呵。坐咗成个钟公车终于到步。。。植物园门票喺10蚊，而园内嘅温室区就要另外再买门票，盛惠40蚊，五一假期套票可以打八折。。。因为喺假日，所以都几多人下，好彩植物园胜在够大，哈哈哈。大部分入园嘅都喺一家大细，不过都见到成班朋友带埋一拖箱食品来植物园打拖拉机。

最吸引我哋嘅莫过于温室区，里面分为热带雨林、沙漠、极地等若干区域，每个区域分别展出生长于尼D环境中嘅植物。热带雨林区